优惠论坛

标题: 皇馬9年投資複製美斯 [打印本页]

作者: shaoze 时间: 2011-8-10 17:21
标题: 皇馬9年投資複製美斯
[align=left]正所謂「快人一步、理想達到」，皇馬搶先簽入7歲阿根廷足球神童李安尼爾，想用9年時間將佢複製成另一美斯！事實上呢名「豆𡃁」頭髮長長又確係好有美斯影子，佢最鍾意通人坑渠玩殘對手。雖然李安仔偶像美斯踢緊巴塞，但佢唔介意効力皇馬，仲話要幫阿根廷捧世界盃添！李安仔「上艦」後人氣急升，facebook個人專頁中已有超過4,000粉絲！[/align]

高調上艦熱爆社交網

[align=left]前日西班牙媒體披露，皇馬已正式簽入年僅7歲嘅李安仔，此名阿根廷「小朋友」將於下月6日開始跟隨皇馬少年隊操練。此子明眸皓齒，生得都幾靚仔，一頭長髮同初出道美斯倒模一樣，可謂天生一副明星相。自從加盟「銀河艦隊」後，球迷已為李安仔設立facebook個人專頁，好多球迷於YouTube睇過佢表現後都勁like佢，話佢係下一個美斯。[/align]

[align=left]3年前，李安仔老竇米基爾於馬德里搵到份少年隊足球教練工作，所以就舉家移民到西班牙，囝囝順理成章成為爸爸班波嘅主力。佢雖然年紀細細，但技術已經勁過大佢幾年嘅哥哥仔多多聲，佢好鍾意扭波，擅於通對手坑渠，迅即成為風頭躉。李安仔於馬德里愈來愈紅，馬德里體育會首先向佢招手，但最後李安仔都係加盟「大佬」皇馬。[/align]

胸懷大志想捧世界盃

[align=left]李安仔忽然全球爆紅，佢接受阿根廷媒體訪問時透露，自己偶像係美斯﹕「我好鍾意美斯，因為佢好好波，我好想第時好似佢一樣踢阿根廷國家隊，我要捧世界盃！但依家我最想可以快啲為皇馬一隊上陣。」[/align]

[align=left]據米基爾表示，依家李安仔加入皇馬少年隊簽約1年，但就冇任何薪酬，球會只會畀番車馬費佢哋。但如果李安仔表現好，將會層層晉升，到16歲時就可以為一隊披甲。要知球壇係咪真係會出現新美斯，9年後就有答案o架啦！[/align]

作者: yongchen 时间: 2011-8-10 19:03
谢谢楼主分享

欢迎光临优惠论坛 (https://tcelue.tv/)